Padang — Kecek Ketua Umum Palang Merah Indonesia Tengah (PMI), H.M. Jusuf Kalla, banyak panyakik nan manyarang pangungsi bencana di tigo provinsi (Aceh-Sumatera Utara-Sumbar) karano dek lamo bana baraso di kamp pangungsian.
“Makonyo, paralu para pangungsi tu dipulangkan ka rumahnyo sacapeknyo atau mancari parumahan samantaro nan labiah sehat,” kecek Kalla katiko mangunjungi daerah bencana Batu Busuak, Padang, Sabtu (20/12)
Wakil Presiden RI nan ka-10 jo ka-12 maagiah instruksi ka jajaran PMI di katigo provinsi untuak manyugirokan program barasiah. Aratinyo karajo relawan PMI kini harus batujuan untuak mambarasiahan rumah urang nan lah panuah jo lunau sahinggo indak layak dihuni.
“Mereka masih di kamp pengungsian karano rumah mereka panuah lumpu/ dan dapua mereka lah binaso lo. Jadi kito musti mambarasiahan rumah-rumah ko supayo mereka bisa pulang untuak menghindari babagai panyakik,” kecek Jusuf Kalla didampingi Ketua PMI Sumbar Aristo Munandar, Wakia Walikota Maigus Nasir, Ketua PMI Padang Zulhardi Z Latif, Ketua PMI Bukittinggi H Chairunnas sarato Ketua PMI Pasaman Sabar AS.
Sudah tu kecek baliau, kasadoalahe personil operasi Tanggapan Darurat Bencana (TDB) PMI supayo mamprioritaskan layanan Air, Sanitasi dan Higiene (WASH) dalam fase pemulihan di wilayah Sumatera Barat. Fokus utamo dari operasi ko tamasuak pambagian aia barasiah jo tindakan pambarasiahan lingkuangan sacaro masif.
“Kito musti bagerak capek untuak mangumpuakan data jo mambarasiahan tampek-tampek ibadah, tarutamo gereja-gereja nan kanai, sahinggo urang Kristen dapek manjalankan ibadah Natal sacaro tapek jo tanang. Dan musajik-musajik nan panuah jo lumpur dek banjir juo harus segera dibarasiahan karano bulan Ramadhan lah ampia tibo lo,” kecek sumando Rang Lintau tu.
Salain fasilitas umum, PMI juo mafokuskan tindakan mambarasiahan parumahan, tarutamo rumah-rumah nan masuak dalam kategori rusak sadang. Usaho ko dibuek untuak mandorong urang-urang nan sadang di kamp pengungsian sugiro babaliak ka rumahnyo.
PMI manargetkan si baso saluruah rangkaian tindakan pambarasiahan jo pamulihan awal dapek salasai dalam wakatu duo bulan ka muko.
Target iko diatur supayo masyarakaik nan manajdi korban banjir jo galodo ko dapek manyambuik bulan suci Ramadhan dalam kondisi parumahan nan alah barasiah, sihaik.
Untuak mangarajokan iko, PMI Pusat mangirimkan bantuan berbagai peralatan nan diparalukan. (Tan Parpatiah)
