Padang — Jambatan kareta api tuo nan ado di Lembah Anai diusulkan dek babaropo pihak untuak diruntuahkan sajo supayo memperlancar jalan transporasi kendaraan bermotor non-kereta api antaro Padang jo Padang Panjang. Sekalian juo untuak manormalisasi sungai Batang Anai.
Tapi Gubernur Sumbar Mahyeldi manyatokan paralu talabiah dulu malakuan kajian mandalam manganai rencana pambongkaran jambatan kareta api tu. Sebab jambatan di Lembah Anai tu statusnyo alah manjadi Warisan Budayo Dunia Organisasi Pendidikan, Ilmu Pengetahuan dan Budaya PBB (UNESCO).
“Jambatan kareta api ko bahubuangan jo sejarah tambang Batubaro Ombilin Sawahlunto, sahinggo paralu kajian dan analisis nan labiah dalam, ndak bisa asa wak bongla-bongka sajo,” kecek Gubernur Sumbar Mahyeldi.
Gubernur manyingguang masalah ko dek karano menanggapi wacana ka maruntuhan jambatan kareta api di Lambah Anai nan marupokan Situs Warisan Dunia. Paruntuahan ko sabagian dimotivasi dek dampak banjir kilat jo tanah longsor nan malando daerah tasabuik.
Mahyeldi mangatoan inyo alah bakomunikasi langsuang jo Mantari Kabudayaan Indonesia Fadli Zon manganai hal iko. Kaduonyo sapakaik untuak mamprioritaskan pamelokan atau mampakuek bangunan pusako Balando tu.
“Baa kok jambatan Warisan Dunia tu harus awak runtuahkan,” katonyo.
Mahyeldi mamintak pihak takaik, tarutamo Pusek Teknik Kereta Api Padang Kelas II, untuak mambuek kajian sacaro komprehensif sabalun mamutuihan untuak maruntuahkan jambatan nan panuah jo nilai sajarah ko.
Mananggapi rencana pambongkaran jambatan kareta api, Direktorat Jenderal Perlindungan Budaya dan Tradisi, Kementerian Kebudayaan RI mangirim surek ka Pusat Teknik Kereta Api Padang Kelas II nan barisi tigo poin pantiang.
Partamo, struktur Warisan Budaya Jalur Kereta Api Sawahlunto-Teluk Bayur (Emmahaven) alah dinyatoan sabagai Warisan Budaya malalui Surat Keputusan Gubernur Sumatera Barat Nomor 432-144-2019 manyangkuik Penunjukan Stasiun Batu Taba , Stasiun Padang Panjang.
Stasiun Kayu Tanam, Silo Gunung panyimpanan batu baro sabagai bangunan cagar budayo jo jambatan tinggi, jalur kareta api Sawahlunto-Teluk Bayur sabagai struktur cagar budayo. Struktur iko marupokan bagian dari Warisan Panambangan Batubaro Ombilin Sawahlunto nan alah dinyatoan sabagai Warisan Budayo Dunia pulo.
Mako, sagalo bantuak parubahan nan dibuek pado warisan budayo mamaralukan persyaratan dalam bantuak studi kalayakan jo studi teknis, sarato parancanaan nan hati-hati.
Kaduo, kajian tu sabanta lai akan dilakukan dek Kementerian Kebudayaan. Jikok kajian ko manamukan caro lain (sarupo konsolidasi struktural) untuak manjago kalanjutan struktur, tindakan akan diambiak sasuai jo anjuran kajian nan dimukasuik.
Kajian ko akan dilakukan sampai akhia Desember 2025 dan Pusat Pelestarian Budaya Wilayah III akan segera bakoordinasi jo pihak-pihak takaik untuak malakukan kajian ko. Kementerian Kebudayaan mamintak panundaan paruntuahan sampai salasainyo studi kalayakan struktur warisan budayo sambia masih mamparatian kaamanan umum. (tan parpatiah/ant)
