Bukittinggi — Galodo jo banjir gadang nan datang batirik-tirik di sabagian besar wilayah Sumatera Barat ko lah mambuek banyak ngarai jo bukik nan gampang taban dek aia nan mambueknyo lunak.
Dampak nan paliang taraso adolah terhadap kawasan wisata Ngarai Sianok. Tebing Ngarai dilaporkan mangalami erosi jolongsor di babarapo titiak.
Daerah nan paliang parah rusaknyo adolah daerah Ngarai Kaluang, Guguk Tinggi.
Panjang tembok lambah tu 200 meter. Salain mambuek lumpur sumber aia minum, tanah longsor di dasar lambah dilaporkan juo manimbun ciek mushala jo mamutuih jalan wisata.
Manuruik Wali Jorong Guguak Tinggi, Dasrial, tanah longsor di tapi ngarai tu sangaik panjang dan laweh. Kondisi iko mambuek daerah Ngarai Sianok samakin rawan longsor, maningkekan kakhawatiran di kalangan masyarakaik, tarutamo jikok longsor labiah lanjuik mandakek ka daerah tampek panduduak bamukim.
Banyak longsornyo bagian bagian ngarai nan musahua ko saketek banyaknyo juo mampangaruhi kadatangan wisatawan. Banyak wisatawan takuik turun ka bawah ngarai tu dek cameh kalau kalau kutiko sadang di bawah, tajadi longsor.
Iko paralu manjadi perhatian basamo pamarentah Agam jo masyarakaik tamasuak pamarentah Bukittinggi nan bakapentingan juo jo keberadaan Ngarai Sianok ko. (*)
